İlham Əliyev: "Naxçıvanda istehsal olunan mallar dünya bazarlarına rahatlıqla çıxa biləcək"


Siyasət 11 Yan 2017 22:10:00 112 0

İlham Əliyev: "Naxçıvanda istehsal olunan mallar dünya bazarlarına rahatlıqla çıxa biləcək"

Naxçıvanda istehsal olunan mallar dünya bazarlarına rahatlıqla çıxa biləcək. Son.az AZƏRTAC-a istinadən bildirir ki, bunu Azərbaycan Prezidenti İlham Əliyev Naxçıvan şəhər 3 nömrəli tam orta rus məktəbinin pedaqoji kollektivi və şəhər ictimaiyyətinin nümayəndələri ilə görüşündə deyib.

Dövlət başçısı qeyd edib ki, doğrudan da son illər ərzində Naxçıvan böyük inkişaf yolu keçib: "Naxçıvan şəhərinin abadlaşdırılması, gözəlləşdirilməsi, infrastruktur layihələrinin icrası, bütün şəhər və kəndlərin abadlaşması prosesi onu göstərir ki, respublika möhkəm ayaqda dayanır. Hesab edirəm ki, bu gün Naxçıvan Muxtar Respublikasının çiçəklənmə dövrüdür. Çünki bütün istiqamətlər üzrə işlər uğurla gedir və gözəl nəticələr var. Bu gün mən üç rayonda - Ordubad, Culfa, Şahbuz rayonlarında və Naxçıvan şəhərində olmuşam. Ordubad rayonunda elektrik stansiyasının təməli qoyuldu. Bu, çox böyük layihədir, böyük stansiya olacaq, 36 meqavat gücündə su elektrik stansiyası tikiləcək. Bu, Naxçıvan Muxtar Respublikasının iqtisadi və enerji potensialını böyük dərəcədə gücləndirəcək. Naxçıvanın enerji təhlükəsizliyi təmin edilir. Son illərdə bir neçə stansiya tikilmişdir. Xatırlayıram, 2010-cu ildə Biləv Su Elektrik Stansiyasının açılışını qeyd etmişdik, 2014-cü ildə Arpaçay Su Elektrik Stansiyasının, 2015-ci ildə isə Günəş Elektrik Stansiyasının açılışları olmuşdur. Bunlardan əvvəl isə Naxçıvan Qaz-Turbin Elektrik Stansiyası istifadəyə verilmişdir. Yəni, respublikanın enerji potensialının möhkəmləndirilməsi işində çox böyük addımlar atılmış və enerji təhlükəsizliyi tam təmin edilmişdir. Ordubad Su Elektrik Stansiyasının işə düşməsindən sonra isə enerji təhlükəsizliyi daha da möhkəmlənəcək və eyni zamanda, Naxçıvanın ixrac potensialı daha da artacaq. Çünki bu gün respublika elektrik enerjisini ixrac edir".

Prezident bildirib ki, Naxçıvanda qazlaşdırma layihələri artıq neçə ildir ki, başa çatıb: "İndi Naxçıvanda qazlaşdırma 100 faizdir. Elə bir yaşayış məntəqəsi yoxdur ki, orada qaz olmasın. Bu da böyük nailiyyətdir. Bildiyiniz kimi, 2005-ci ildə burada mənim iştirakımla İran İslam Respublikasından Naxçıvana mübadilə yolu ilə təbii qazın verilməsinə başlanmışdır. Artıq üstündən on ildən çox vaxt keçib və bu layihə çox uğurla icra edilir. Ordubad Su Elektrik Stansiyasının yaradılması da İran ilə Azərbaycan arasında imzalanmış və təsdiqlənmiş saziş əsasında baş verir. Ordubad və Marazad Su Elektrik stansiyalarının tikintisi həm İranın, həm də Azərbaycanın enerji gücünü artıracaq və eyni zamanda, bu layihə İran-Azərbaycan dostluğunun təzahürüdür. Biz enerji sahəsində, digər sahələrdə uğurlu əməkdaşlıq edirik. Bu yaxınlarda Naxçıvan-Təbriz-Məşhəd dəmir yolu qatarı yola salındı".

İlham Əliyev deyib ki, enerji potensialı və enerji təhlükəsizliyi Naxçıvan üçün xüsusi əhəmiyyət daşıyır: "Çünki ölkəmizin əsas hissəsi ilə Naxçıvanın coğrafi əlaqəsi yoxdur. Belə olan halda biz mütləq enerji potensialının inkişafına fikir verməliyik. Bu gün Naxçıvan elektrik enerjisi ilə tam təmin olunub və eyni zamanda, enerji ixrac edir. Naxçıvan təbii qazla da tam təmin olunub. Gələcəkdə bərpa olunan enerji növlərinin yaradılmasından, xüsusilə Ordubad Su Elektrik Stansiyasının işə düşməsindən sonra Naxçıvanda enerji məsələləri ilə bağlı bundan onilliklər sonra heç bir problem olmamalıdır. Bununla bərabər, əlbəttə ki, digər infrastruktur layihələri daim diqqət mərkəzindədir. Naxçıvan şəhərini digər şəhərlərlə birləşdirən gözəl və çox keyfiyyətli yollar salınıb. Bu gün mən bu yollardan keçmişəm. Onlar bir neçə ildir ki, istifadəyə verilib, amma elə bil ki, dünən tikilib. Yəni, çox gözəl, keyfiyyətli yollardır. Naxçıvan-Culfa, Naxçıvan-Şahbuz, Naxçıvan-Sədərək yolları ən yüksək standartlara cavab verir. Bir yol layihəsi hələ ki, öz həllini gözləyir. Bu da Culfa-Ordubad layihəsidir. Biz onu da növbəti mərhələdə həll edəcəyik və beləliklə, şəhərlərarası yollar problemi aradan götürüləcək. Kənd yollarının tikintisi də uğurla gedir və bu proses davam edəcək.

Bu gün biz Culfa və Şahbuz rayonlarında içməli su və kanalizasiya layihələrinin rəsmi açılışını qeyd etdik. Bu da çox önəmli layihələrdir. Hər iki şəhərə təmiz, Dünya Səhiyyə Təşkilatının standartlarına uyğun içməli su verilməsinə başlanmışdır. Ondan əvvəl Naxçıvan şəhəri su ilə təmin edilmişdir. Bu gün biz artıq digər şəhərlərə də suyun verilməsini təmin edə bildik. Bu da çox önəmlidir. İnsan sağlamlığı üçün əsas amillərdən biri də təmiz sudur. Biz onu da həll etmişik. Bu il Dövlət İnvestisiya Proqramında Naxçıvan Muxtar Respublikasının digər şəhərlərinin su-kanalizasiya problemlərinin həlli məsələləri də öz əksini tapacaq. Yəni, bunlar əsas infrastruktur layihələridir - elektrik enerjisi, təbii qaz, içməli su, yollar. Artıq demək olar ki, bu işlərin mütləq əksəriyyəti görülübdür. Bu, respublikanın potensialını göstərir, eyni zamanda, sosial infrastruktur da yaradılır. Bax, bu məktəb bunun bariz nümunəsidir. Son illər ərzində Naxçıvan Muxtar Respublikasında artıq 200-ə yaxın yeni məktəb tikilib, yaxud da ki əsaslı şəkildə təmir olunub. Təmirə ehtiyacı olan cəmi bir neçə məktəb qalıb. Əminəm ki, yaxın gələcəkdə bu məsələ də həllini tapacaq".

Azərbaycan Prezidenti bildirib ki, digər sosial infrastruktur layihələri səhiyyə ilə bağlıdır: "Hesab edirəm ki, Naxçıvan bu istiqamətdə də nümunəvi bir respublikadır. Burada bütün şəhərlərin və rayonların mərkəzi xəstəxanaları yenidən tikilib. Mən onların bəzilərinin açılışlarında iştirak etmişəm. Naxçıvan şəhərində doğum evi, diaqnostika mərkəzi, respublika xəstəxanası, bütün bu tibb ocaqları ən yüksək standartlara cavab verir və ən müasir avadanlıq quraşdırılıb.

Naxçıvanın gözəlləşməsi, abadlaşması məni çox sevindirir. Əminəm ki, sizi də sevindirir. Binalar təmir olunur, yeni, gözəl binalar tikilir, geniş prospektlər salınır. Abadlıq-quruculuq işləri bir tərəfdən ölkəmizin gücünü, digər tərəfdən Naxçıvan rəhbərliyinin səmərəli işini, sakinlərin bu işlərə olan münasibətini göstərir. Bütün bu işlər böyük məhəbbətlə, zövqlə və səliqə ilə görülür".

Dövlət başçısı qeyd edib ki, Naxçıvan dünya miqyasında öz gözəlliyi ilə seçilən bir şəhərdir: "Əlbəttə ki, Naxçıvanın qədim və zəngin tarixi bizim milli sərvətimizdir. Naxçıvan Azərbaycanın qədim diyarıdır, qədim torpağıdır. Burada tarixi abidələr qorunur. Bu tarixi abidələr bizim qədim tariximizi göstərir. Onu göstərir ki, əsrlər boyu Azərbaycan xalqı bu diyarda yaşayıb, yaradıb. Bu, bizim böyük milli sərvətimizdir.

Nəhayət, biz Naxçıvanın nəqliyyat problemlərinin həlli üçün də çalışırıq. Qeyd etdiyim kimi, Naxçıvan-Təbriz-Məşhəd dəmir yolu fəaliyyətə başlayıb. Bildiyiniz kimi, biz indi İran İslam Respublikası və Rusiya ilə Şimal-Cənub nəqliyyat dəhlizi üzərində işləyirik. İşlərin bizə aid olan hissəsi artıq başa çatıb. Bu dəhliz tam işə düşəndən sonra Naxçıvan dəmir yolu ilə İran vasitəsilə Azərbaycanın əsas hissəsi ilə də birləşəcək. Biz bu layihəni sürətləndirmək istəyirik ki, tezliklə bu baş versin. Ondan sonra Naxçıvanda istehsal olunan mallar artıq dünya bazarlarına rahatlıqla çıxa biləcək və insanlar üçün bu, əlbəttə ki, əlavə imkanlar yaradacaq".

loading...
Tramp ABŞın TəlƏvivdəki səfirliyini Qüdsə köçürməkdə israrlıdır like
  • 11 Yan 22:01  
Dünya Tramp ABŞın TəlƏvivdəki səfirliyini Qüdsə köçürməkdə israrlıdır

Tramp administrasiyası müttəfiqlərinə bildirib ki, ABŞ-ın İsraildəki di

arrow Ətraflı
İlham Əliyev: “Naxçıvanın hərbi potensialı ən yüksək səviyyədədir” like
  • 11 Yan 21:59  
Digərləri İlham Əliyev: “Naxçıvanın hərbi potensialı ən yüksək səviyyədədir”

Naxçıvan ordusu istənilən vəzifəni icra etməyə hazırdır. Bunu Az

arrow Ətraflı
Neft yenə bahalaşır like
  • 11 Yan 21:52  
İqtisadiyyat Neft yenə bahalaşır

Dünənki enişdən sonra kəskin ucuzlaşmış neftin qiyməti yenidən qal

arrow Ətraflı
Azərbaycanlı aktyora böyrək köçürülüb like
  • 11 Yan 21:51  
Kriminal Azərbaycanlı aktyora böyrək köçürülüb

Azərbaycan Dövlət Kukla Teatrının aktyoru Rəhim Rəhimov əməliyyat olunu

arrow Ətraflı
İlham Əliyev: "Naxçıvanın hərbi potensialı ən yüksək səviyyədədir" like
  • 11 Yan 21:49  
Siyasət İlham Əliyev: "Naxçıvanın hərbi potensialı ən yüksək səviyyədədir"

"Bu gün Naxçıvan ordusu istənilən vəzifəni icra etməyə hazırdır"

arrow Ətraflı
Soyuqdəymə zamanı bunları içməyin! like
  • 11 Yan 21:48  
Digərləri Soyuqdəymə zamanı bunları içməyin!

Soyuqdəymə və qripp zamanı mayenin düzgün qəbulu sağalmanı tezləşdiri

arrow Ətraflı
Milyonluq zinət əşyaları ilə MƏST EDƏN GÖZƏLLƏR  FOTO like
  • 11 Yan 21:45  
Digərləri Milyonluq zinət əşyaları ilə MƏST EDƏN GÖZƏLLƏR FOTO

Los-Ancelesdə 44-cü dəfə "Qızıl Qlobus" kino mükafatlarının t

arrow Ətraflı
32 yaşlı kişi özünü güllələyib like
  • 11 Yan 21:42  
Digərləri 32 yaşlı kişi özünü güllələyib

Ağstafa rayon sakini ovda güllə yarası alıb.

arrow Ətraflı
Donald Tramp biznesi üzərində nəzarəti iki oğluna həvalə edib like
  • 11 Yan 21:40  
Dünya Donald Tramp biznesi üzərində nəzarəti iki oğluna həvalə edib

O bunu maraqların toqquşmasından yayınmaq üçün etdiyini deyib

arrow Ətraflı
Quba rayonunda avtobus azyaşlı uşağı vurub like
  • 11 Yan 21:39  
Digərləri Quba rayonunda avtobus azyaşlı uşağı vurub

Quba rayonunda azyaşlını avtobus vurub. Hadisə rayonun Timiryazev

arrow Ətraflı
Yüksək hərarət insanı öldürə bilər? like
  • 11 Yan 21:39  
Digərləri Yüksək hərarət insanı öldürə bilər?

Adətən bədən hərarəti orqanizmə virus və ya bakteriya düşməsinə cava

arrow Ətraflı
Azərbaycanda banklar tərəfindən dollar satışı azalıb  3,5 dəfə like
  • 11 Yan 21:36  
Digərləri Azərbaycanda banklar tərəfindən dollar satışı azalıb 3,5 dəfə

2016-cı ilin noyabrında Azərbaycanda banklar 171,61 milyon dollar satıb.

arrow Ətraflı
"Barcelona" hakimlikdən şikayət edəcək ən son komandadır" like
  • 11 Yan 21:33  
İdman "Barcelona" hakimlikdən şikayət edəcək ən son komandadır"

"Athletic"in yarımmüdafiəçisi İnaki Uilyams İspaniya kubokunun 1

arrow Ətraflı
Aktrisanı bir də bikinidə və makiyajsız görün  FOTO like
  • 11 Yan 21:33  
Digərləri Aktrisanı bir də bikinidə və makiyajsız görün FOTO

Amerikalı aktrisa Yeva Lonqoriya FİFA-nın İsveçrənin Sürix şəhərində

arrow Ətraflı